Սեպտեմբերի 4-ը Սեռական առողջության համաշխարհային օրն է: Բժիշկ-սեքսոպաթոլոգ Վրեժ Շահրամանյանի խոսքով` սա ևս մեկ առիթ է, որը մարդկանց մարդկանց հնարավորություն կտա սեռական առողջության հարցերում լինել առավել անկաշկանդ և տեղեկացված:
Մասնագետի խոսքով` սեռական կյանքի սկիզբն ընկալվում է որպես հասունության որոշակի սահմանագիծ: «Շատ երկրներում տղամարդկանց համար այն սկսվում է 17-18 տարեկանում, կանանց համար` 19: Հայ իրականության համար այս թվերը նույնպես ակտուալ են»: Սեքսոլոգի համոզմամբ` որքան վաղ է սկսվում սեռական կյանքը, այնքան քիչ է այն սիրով պայմանավորված լինում:
«Սեռական կյանքով ապրելը կարող է սկսվել ավելի վաղ, եթե ընտանիքում այդ առումով թույլ է եղել դրվածքը, եթե դեռահասները ստացել են սեռական սխալ դաստիարակություն»,- նշում է սեքսապաթոլոգը: