Թերթերի տեսություն

«Հրապարակ»-ը գրում է. «Հայաստանի կառավարությունը պահուստային ֆոնդի հաշվին առաջիկայում ԱԺ-ին կհատկացնի 6 մլն. 225 հազար դրամ: Այս նախագիծը հաստատվեց կառավարության վերջին նիստում: Ազգային ժողովը նշված գումարով մտադիր է ձեռք բերել առանձին վարչական սարքավո­րումներ՝ համակարգիչ, անխափան սնուցման աղբյուր, տպիչ:
     Հավելյալ գումարի տրամադրումը հիմնավորվում է ԱԺ աշխատանքներն ավելի արդյունավետ դարձնելու նպատակով: Այդ կապակցությամբ առաջարկվում է ՀՀ 2017 թ. պետական բյուջեով «ՀՀ Ազգային ժողովի աշխատակազմի և պատգամա­վորների պահպանում» ծրագրի գծով բյուջետային ծախսերի տնտեսա­գիտական դասակարգ­ման «Այլ նպաստներ բյուջեից» հոդվածով նախատեսված ծախսե­րից նվազեցնել 6,225.0 հազար դրամ և ուղղել վերը նշված սարքավորումների ձեռքբերմա­նը (հիմք ընդունելով ՀՀ Ազգային ժողովի կողմից ներկայացված համապա­տասխան գրությունը)»,- գրում է թերթը:

Մանրամասները՝ թերթի այսօրվա համարում: