Գյումրեցի 8-ամյա այս տղան՝ Գևորգ Հայրապետյանը, հավակնում է դառնալ Գինեսի ռեկորդակիր: Նա կարողանում է 6 րոպեում 600 անգամ հարվածել գնդակին՝ ինչպես հայտնի «21» խաղում: Տղան երազում է ֆուտբոլիստ դառնալ, սովորում է տեղի ֆուտբոլի ակադեմիայում: Չնայած ֆուտբոլի հանդեպ մեծ սիրուն՝ նա նաև գերազանց առաջադիմություն է դրսևորում դպրոցում, իսկ ազատ ժամանակ ֆուտբոլ է խաղում հոր հետ, ով էլ տեսախցիկով ամրագրում է նրա հաջողությունները: