Ավան և Նոր Նորք վարչական շրջանների ընդհանուր իրավասության առաջին ատյանի դատարանում հետաձգվել է «Սասնա ծռեր»-ի 14-ի գործով արտագնա դատական նիստը:
Նախագահող դատավոր Արտուշ Գաբրիելյանը տեղեկացրել է, որ նիստը հետաձգվում է դատավարության կողմերի ներկայությունն ապահովելու համար։ Հաջորդ դատական նիստը նշանակվել է հուլիսի 12-ին։
Փաստաբան Տիգրան Հայրապետյանը լրագրողների հետ զրույցում ասել է, որ նիստը նախագահող դատավոր Արտուշ Գաբրիելյանը չի կարողանում նման հնչեղության գործ քննել. «Չի կարողանում կառավարել իրավիճակը, դրա համար էլ հետաձգում է»:
Ավելի վաղ տեղեկացրել էինք, որ դատարանում լարված իրավիճակ է, դատարանի բակից բերման էին ենթարկել «Սասնա ծռեր» խմբի անդամ Գագիկ եղիազարյանի եղբորը:
Դավիթ Եղիազարյանին տարել են Նոր Նորքի ոստիկանական բաժին: