Հայ հոգևոր երաժշտության կենտրոնի հերթական երկու մշակութային կանգառներն էին Կոտայքի մարզում: «Գեղարդ» երգեցիկ խմբի կատարմամբ հնչեցին հայ հոգևոր և ժողովրդական երգերի մշակումներ. Կոմիտաս, Մ. Եկմալյան, Էդ. Հովհաննիսյան, Ս. Աղաջանյան, Ե. Երկանյան, Դանիել Երաժիշտ:
Եղվարդի արվեստի դպրոցը մարդաշատ էր, դպրոցում բացվել էր սաների հիանալի աշխատանքների ցուցահանդեսը:
Խումբը եղավ նաև Զովունիում: Տեղի Մշակույթի տանն առավելապես հնչեցին հայ ժողովրդական երգերի մշակումներ:
Ողջ օրվա ընթացքում «Գեղարդ» երգեցիկ խմբի հետ էր Հայ հոգևոր երաժշտության կենտրոնի աշխատակից, կոմպոզիտոր, ՀՀ արվեստի վաստակավոր գործիչ, պրոֆեսոր Երվանդ Երկանյանը: