Ռուսաստանի Վորոնեժի մարզում Մոսկվա-Երևան երթուղու ավտոբուսն ընկել է ջրատարն, ինչի հետևանքով տուժել է 3 մարդ, այդ թվում` 2 երեխա: Այդ մասին հայտել են ՌԴ ՆԳՆ տարածաշրջանային վարչությունից:
Նշվում է, որ Mercedes-Benz մակնիշի ավտոբուսի 35-ամյա վարորդը կորցրել է կառավարումը և ընկել ճամփեզրի ջրատարի մեջ: Ավտոբուսում 39 ուղևոր է եղել: Տուժածները միջին ծանրությունների վնասվածքներով տեղափոխվել են հիվանդանոց:
Վիրավորների թվում կա երկու երեխա՝ Կրասնոյարսկի երկրամասի բնակիչ յոթամյա տղա և Կոստրոմայի մարզի բնակչուհի իննամյա աղջիկ։ Հաղորդվում է նաև, որ մնացած ուղևորներին կտեղավորեն հյուրանոցներում, մինչև հաջորդ ավտոբուսի ժամանումը:
