Բրիտանիայի կառավարության առողջապահության հարցերով խորհրդական, պրոֆեսոր Սյուզան Ջեբը մարդկանց հորդորում է խուսափել նարնջի հյութի կիրառումից։ Ըստ նրա` նարնջի հյութը նույնքան շաքար է պարունակում, որքան պարունակում է «Կոկա-կոլան»։
Սյուզան Ջեբը խորհուրդ է տալիս կամ լիովին հրաժարվել նարնջի հյութ խմելուց, կամ էլ խմելուց առաջ այն խառնել ջրի հետ։
Գիտնականի խոսքերով` շաքարը նույնքան վտանգավոր է մարդու կյանքի համար, որքան ծխախոտը և ալկոհոլը։ Նա նարնջի հյութ արտադրող ընկերություններին հորդորում է արտադրության ժամանակ հյութում եղած շաքարի պարունակությունը նվազեցնել առնվազն 30 տոկոսով։ Պրոֆեսոր Ջեբի կարծիքը կիսում են նաև այլ մասնագետներ։