Կոտրված ջերմաչափը խնդիր է, որ խուճապի է մատնում անգամ մեծահասակներին: Շատերը չգիտեն, թե ինչպես պետք է ճիշտ հավաքել թափված սնդիկն ու ապակու կտորները, որպեսզի դրանք վնաս չհասցնեն առողջությանը:
Նախ պետք է դուրս հանել բոլորին, ովքեր գտնվում են կոտրված սնդիկով սենյակում: Ցանկալի է օդորակիչի միջոցով իջեցնել սենյակի ջերմաստիճանը մինչև -16 աստիճան: Համոզվեք, որ սնդիկ չկա հագուստի ու կոշիկների վրա: Հագեք ռետինե ձեռնոցներ ու բժշկական դիմակ: Ապակե փակվող տարայի մեջ ջուր լցրեք ու գետնին թափված ապակու կտորները հավաքեք խոնավ սպունգի կամ էլ խոնավ թերթի միջոցով: Սնդիկի գնդերը հավաքեք ներարկիչի միջոցով և նույնպես լցրեք ապակե տարայի մեջ:
Ամբողջ պրոցեդուրայի ավարտից հետո անհրաժեշտ է 2 անգամ լվանալ հատակը քլոր պարունակող սպիտակեցնող նյութի լուծույթով: 1 լ ջրին պետք է ավելացնել 1 ճաշի գդալ սպիտակեցնող հեղուկ: Այս կերպ մեկ ամիս շարունակ պետք է լվանալ հատակը:
Իսկ հավաքված սնդիկը պետք է տանել մասնագիտացված հաստատություն: