Շուտով ալթինով ենք առևտուր անելու: Ծրագիր կա առաջիկա մի քանի տարում ստեղծել Եվրասիական տնտեսական միության միասնական արժույթ: Ինչպես եվրոն՝ Եվրամիությունում: ԵՏՄ-ի կենտրոնական բանկի նստավայրը լինելու է Ղազախստանում, նոր արժույթն էլ կոչվելու է թյուրքական բառով՝ ալթին: Պուտինը դրանով սիրաշահում է ԵՏՄ-ի անդամ թուրքալեզու անդամներին՝ Ղազախստանին, Ղրղզստանին: Հայաստանում շատերը կասեն, որ դա հնարավոր չէ, մենք մեր դրամին հրաժեշտ չենք տա: Հայաստանի տնտեսության բոլոր կարևոր ճյուղերը Ռուսաստանին են հանձնված, մեր արտաքին սահմանները հսկում է ռուսական զորքն, այստեղ ռուսական ռազմաբազան է, Հայաստանի քաղաքական վերնախավը Պուտինին Ուրբաթի նման ասում է՝ Օ՜, ուրեմն՝ ամեն ինչ էլ հնարավոր է: