Գարնանային վարարումների փոխարեն Կուր գետն սկսել է ցամաքել, գետի մակարդակն ստորին հոսանքում նվազել է 5 սմ-ով: Ադրբեջանի հիդրոմետ ծառայությունները մտահոգված են այս երևությով, քանի որ դրա հետևանքով շրջանների մեծ մասին երաշտ է սպառնում: Նախկինում` մինչև 2010թ., Կուր գետի ստորին հունում գտնվող շրջանները տուժում էին ջրհեղեղների պատճառով, իսկ վերջին տարիներին գետի բարձրությունը ցածր է նորմայից: Բնապահպաններն այս իրավիճակը բացատրում են լեռներում ձյունածածկի ուշ հալումով և էկոլոգիական հավասարակշռության խախտմամբ: