Շվեդիայի ազգային հավաքականի և ՊՍԺ-ի հարձակվող Զլատան Իբրահիմովիչը հաստատել է լուրերն այն մասին, որ հեռանում է փարիզյան ակումբից։ Շաբաթ օրը կայանալիք «Նանտ»-ի դեմ հանդիպումը վերջինը կլինի հարձակվողի համար։
«Վաղը վերջին հանդիպումս կանցկացնեմ «Պարկ Դե Փրենս»-ում։ Եկել եմ որպես արքա, գնում եմ որպես լեգենդ»,- գրել է 34-ամյա շվեդը՝ թվիթերյան իր էջում։
Նշենք, որ ֆուտբոլիստի պայմանագիրը նախատեսված է մինչև 2016 թվականի հունիսի 30-ը։ ԶԼՄ-ների տեղեկություններով՝ Իբրահիմովիչը կարիերան կշարունակի «Լոս Անջելես Գելեքսի»-ում։
Նշենք նաև, որ այս մրցաշրջանում հարձակվողը մասնակցել է 49 հանդիպման՝ հեղինակելով 46 գնդակ։