«Ռեալ»-ի նախագահ Ֆլորենտինո Պերեսը պատրաստ է Բրազիլիայի ազգային հավաքականի և «Բարսելոնա»-ի հարձակվող Նեյմարին տարեկան վճարել 35 մլն եվրո։
Իսպանական մամուլի տեղեկությունների համաձայն՝ «Ռեալ»-ը ցանկանում է վաճառել Ռոնալդուին և ձեռք բերել Նեյմարին։ Բացի այդ, Պերեսը բրազիլացուն ռեկորդային պայմանագիր է առաջարկում, որով ֆուտբոլիստը տարեկան կստանա 35 մլն եվրո։ Պայմանագիրը նախատեսված կլինի 5 տարվա համար։
Հիշեցնենք, որ այս մրցաշրջանում բրազիլացին կատալոնացիների կազմում անց է կացրել 25 հանդիպում՝ հեղինակելով 20 գնդակ և 14 գոլային փոխանցում։