Ինչպես արդեն
տեղեկացրել էինք, այսօր՝ սեպտեմբերի 10-ին, Արարատի մարզի Բաղրամյան գյուղի դպրոցի 5-րդ դասարանի 20 երեխայի թունավորման նախանշաններով տեղափոխվել էին Արտաշատի ԲԿ:
ՄԱՄՈՒԼ.am լրատվականի թղթակցի հետ զրուցում համայնքի ղեկավար Սոս Բենիամինյանն ասաց, որ երեխաները թունավորվել են դպրոցի ճաշարանից գնված նրբերշիկից:
Խոսեցինք նաև դպրոցի տնօրեն Ռուզաննա Թադևոսյանի հետ: «Թունավորումը եղել է միայն 5-րդ դասարանի աշակերտների մոտ: Մյուս դասարանների երեխաներն էլ ներշնչանքով ասում են՝ վատ են և գնացել են հիվանդանոց: Ոչ մի ծանր դեպք չունենք, բոլորին, ապահովության համար, լվացումներ են անում»:
Ռ. Թադևոսյանը նշեց, որ նրբերշիկները մատակարարում է Սարգսյան Գոհար անհատ ձեռներեցը: «Արդեն քանի տարի՝ ինքն է մատակարարում: Սանէպիդկայանից էլ եկել, տարել են ստուգման»,- ավելացրեց նա: