Ինչպես հայտնի է, «Իսլամական պետություն» ահաբեկչական կազմավորման գրոհայինները հարձակվել են Իրաքի Էռ Ռամադի քաղաքի վրա: Զինված հարձակման հետևանքով զոհվել է ավելի քան 500 խաղաղ բնակիչ ու զինվորական: Երկօրյա թեժ մարտերից հետո իսլամիստներն ամբողջովին իրենց վերահսկողության տակ են առել քաղաքը:
Էռ Ռամադի քաղաքը տեղակայված է մայրաքաղաք Բաղդադից 118 կմ դեպի արևմուտք: ԱՄՆ միջազգային կոալիցիայի զինված ուժերն ու Պարսից ծոցի երկրները զինված գործողություններ են սկսել քաղաքն իսլամիստներից ազատելու համար: