Խնդրում ենք սպասել...

Թերթերի տեսություն

Տրանսպորտի թանկացումը կհետաձգվի. իշխանության հերթական սխալ հաշվարկը. «Ժողովուրդ»

09:00, երեքշաբթի, 18 հունիսի, 2024 թ.
Տրանսպորտի թանկացումը կհետաձգվի. իշխանության հերթական սխալ հաշվարկը. «Ժողովուրդ»

«Ժողովուրդ» օրաթերթը գրում է. «Երեկ ՀՀ իշխանությունները ազդարարեցին հերթական ձախողման մասին: Երևանի քաղաքապետարանի գործակարգավարական նիստի ժամանակ հայտարարվեց, որ միասնական տոմսային համակարգի, այն է՝ տրանսպորտի թանկացման նախագծի ներդրման ժամկետները երկարաձգվում են: Միասնական տոմսային համակարգը պետք է ներդրվեր սեպտեմբերի 1-ից, սակայն երեկ հայտարարվեց՝ համակարգի ներդրումը կհետաձգվի այնքան ժամանակ, մինչև նոր ավտոբուսները գան և երթուղի մտնեն։ Ընդ որում, հստակ ժամկետներ էլ չնշվեցին՝ որքան ժամանակով է այն հետաձգվում, միայն փոխքաղաքապետ Սուրեն Գրիգորյանը հայտնեց, որ նոր ավտոբուսների ներմուծումը ժամանակացույցով նախատեսված է հոկտեմբերի վերջին կամ նոյեմբերի սկզբին:
     Այսինքն՝ կարող ենք արձանագրել, որ իշխանությունները սխալ հաշվարկների պատճառով հերթական անգամ ձախողել են, այս անգամ՝ իրենց կողմից մեծ շուքով և աղմուկով անոնսված նախագիծը, որը հանրության շրջանում էլ դժգոհությունների մեծ ալիք էր բարձրացրել»:

Մանրամասները՝ թերթի համարում:

1920 | 0
Facebook