Խնդրում ենք սպասել...

Համացանց

«Ովքե՞ր են այսօր բարոյականության դասեր տալիս gg-ի ղեկավարին»․ Լիզա Ճաղարյան

15:24, կիրակի, 16 հունիսի, 2024 թ.
«Ովքե՞ր են այսօր բարոյականության դասեր տալիս gg-ի ղեկավարին»․ Լիզա Ճաղարյան

Լրագրող Լիզա Ճաղարյանի ֆեյսբուքյան գրառումը․ «Ովքե՞ր են այսօր քննադատում, բարոյականության դասեր տալիս gg-ի ղեկավարին, որին, ի դեպ, ես ոչ ճանաչում եմ, ոչ Ֆեյսբուքում ընկեր եմ, ոչ էլ ինձ հետաքրքիր է` ինչ է ասել. gg-ի սպասարկումը ինձ դուր է գալիս, տաքսիստները կիրթ են, մեքենաները հարմարավետ են ու մաքուր, և ես միշտ օգտվել եմ իրենց ծառայությունից և շարունակելու եմ օգտվել, քանի դեռ բոբո պատուհասը չի հասել իր նենգ նպատակին։
     Եվ այսպես` ովքե՞ր են քննադատում։ Հիմնականում և գլխավորապես նրանք, ովքեր մի ծպտուն անգամ չհանեցին, երբ Ալենը թքեց մարդու դեմքին, նախապես, ի դեպ, թևերը ոլորել տալով։ Երբ ոմն Արթուր Հովհաննիսյան սպառնում էր կտրել եսիմ ում ականջները, երբ ոմն Վահագն Ալեքսանյան քացահարում էր իրենց ընդդիմախոսներին, երբ այն նույն թքանը Աժ ամբիոնից ընդդիմադիրների հետ խոսում է «ռազբիրատի սուր կոշիկները հագած», երբ բոբո պատուհասը ընդդիմադիր շարժման ղեկավարին տեսնելու ցանկություն եթե ունենա, «կգցեն բագաժնիկը, կտանեն իր մոտ»։
     Հատորներով կարող եմ հիշեցնել։
     Բայց էսքանն էլ է հերիք։
     Եվ ի դեպ, gg-ի ղեկավարն ընդամենը տաքսի ծառայության բիզնեսով զբաղվող մարդ է, եւ եթե որեւէ սխալ անի, մեր երկիրը չի կործանվելու, իսկ սրանք Հայաստանի Հանրապետության առաջին դեմքերն են` դրանից բխող արհավիրքներով։
     Վաաայ, բա ոնց կլինի` Խաչատուրն էսպիսի բան է ասել։ Ձեզանից է սովորել, տխմարներ, էլի փառք Աստծու, որ ընդամենն էդքանն է սովորել»։

Աղբյուրը` Լիզա Ճաղարյան
2639 | 0
Facebook