Մարդու իրավունքների պաշտպան Անահիտ Մանասյանն ապրիլի 23-ին այցելել էր ՀՀ ԱՆ «Երևան-Կենտրոն» քրեակատարողական հիմնարկ՝ ՊՆ նախկին նախարար Դավիթ Տոնոյանին տեսակցելու նպատակով: Այսօր՝ լրագրողների հետ զրույցում, պաշտպանը հայտնել է, որ Տոնոյանի մտահոգությունները վերաբերել են քրեական վարույթի հանգամանքներին ու իր՝ ազատությունից զրկվելու իրավաչափությանը: «Փորձելու ենք մեր մանդատի շրջանակներում խնդիրները պատշաճ հասցեավորել ու գտնել լուծումներ»,- նշել է պաշտպանը: