«Պետության մեջ, պետության դեմ որևէ զինված գործողությունը մեր արժեհամակարգին կտրականապես դեմ է, այն էլ Երևանի մեջտեղում նռնակ պայթեցնելը։ Մարդիկ, որոնք մեր գաղափարներին ծանոթ են, պետք է հասկանան, որ դա մեր կողմից բացառվում է։ Չեմ բացառում այն տարբերակը, որ իշխանության կողմից հատուկ քարոզչություն էր՝ դեպքը մեր անվան հետ կապելը»,- անդրադառնալով ՆԳՆ ոստիկանության Նոր Նորքի բաժնի վրա մարտի 24-ին կատարված զինված հարձակմանը՝ այսօրվա ասուլիսի ժամանակ ասել է «Մարտական եղբայրության» միաբանության անդամ Հրանտ Տեր-Աբրահամյանը։