Իրադարձություններ

Այսօր՝ մարտի 19-ին հրաժարականի դիմում է ներկայացրել Հայաստանի պետական տնտեսագիտական համալսարանի ռեկտոր, սկանդալային պատմություններով հայտնի Դիանա Գալոյանը:

Ռեկտորի ժամանակավոր պաշտոնակատար կնշանակվի ՀՊՏՀ ուսումնական աշխատանքների գծով պրոռեկտոր Արմեն Գրիգորյանը:

Հիշեցնենք, որ

ՀՊՏՀ ռեկտոր Դիանա Գալոյանը 2017թ-ին գողություն է կատարել ԱՄՆ-ում «Նեյման Մարկուս» հագուստի խանութից:

Տեղում բռնվել է, դատապարտվել է Լոս Անջելեսի դատարանում:
     Պատժի կրումը հետաձգելու որոշում է կայացվել, նշանակվել է 3 տարվա փորձաշրջան:

Ըստ այդ որոշման՝

- Դիանա Գալոյանը 2 օր նստել է Լոս Անջելեսի բանտում,
     - Դատարանը արգելել է 100 յարդից կամ 90 մետրից ավել մոտենալ «Նեյման Մարկուս» խանութներից որևէ մեկին,
     - Դատարանը պարտավորեցրել է 30 օր հարկադիր աշխատանք կատարել համայնքի համար:

Դատարանը նաև պարտադրել է 1 տարի անց ներկայանալ՝ փորձաշրջանի պահանջների կատարման ապացույցներով:

Դիանա Գալոյանը չի ներկայացել, և դատարանի կողմից տրվել է ձերբակալման հրաման ու հետախուզում: