Հարցազրույցներ

«ՊՆ նախարար լինելու ժամանակ ես Մոսկվայում, չբացահայտեմ ում միջնորդությամբ, հանդիպել էի ադրբեջանական կողմի հետ, և պայմանավորվածություն էինք ձեռք բերել, որ իրենց կողմից ներխուժված ուղղություններով նրանք պարտավոր են նահանջել: Պայմանավորվել էինք, որ 2 շաբաթից նորից անցկացնենք հանդիպում և վերջնականորեն այդ հարցը լուծենք: Նոյեմբերի 15-ին պարոն Փաշինյանն ինձ առաջարկեց դիմում գրել: Ես հրաժարվեցի և ինքը որոշում կայացրեց ինձ պաշտոնանկ անելու: Ես չեմ ուզում ասել, թե ինչ եմ արել այդ իրոք կարճ ժամանակում լինելով ՊՆ նախարար, բայց ձեզ վստահեցնում եմ, որ մեծ աշխատանք ենք տարել հենց Ռուսաստանի հետ: Եվ 3 տարվա ընթացքում հայկական բանակը պետք է լիներ այնպիսին, որ այսօր մենք, երևի թե, կորցրած չլինեինք Արցախը, ոչ էլ մյուս ուղղություններով ադրբեջանցիներ կլինեին: Ես ուղղակի զարմացած եմ ստի որակական և «ազնվորեն» ներկայացնելու ձևերի վրա»,- իր տեսաուղերձում հայտարարեց Արշակ Կարապետյանը: