ՌԴ ԱԳՆ-ն «ՌԻԱ Նովոստի»-ին հայտնել է, որ իրենք ուշադրություն են դարձրել Մեծ Բրիտանիայի պաշտպանության փոխնախարար Ջեյմս Հեփփիի հայտարարություններին, ով նշել է, որ պատրաստ է աջակցել Հայաստանին «Ռուսաստանից բխող սպառնալիքների» դեպքում։
«Մեզ այլևս չի զարմացնում այն փաստը, որ Լոնդոնը դադարել է թաքցնել իր բոլոր քայլերի հակառուսական էությունը հետխորհրդային տարածքում, այդ թվում՝ Հարավային Կովկասում, բայց Հիփփիի բացահայտումները նաև ուղղակի հաստատում են, որ Արևմուտքը ձգտում է Հայաստանը վերածել Մոսկվայի դեմ տարածաշրջանային գործիքի»,- ասվում է ԱԳՆ-ում։
Դիվանագիտական վարչությունը նշել է, որ այս իրավիճակը Երևանում պատասխանատու քաղաքական գործիչների համար մտորումների առիթ է։