Խնդրում ենք սպասել...

Հարցազրույցներ

«Վստահ եմ, որ Ուկրաինայի պատերազմը սկսվել է Լեռնային Ղարաբաղի պատերազմով». Ալեն Սիմոնյան

15:54, հինգշաբթի, 29 փետրվարի, 2024 թ.
«Վստահ եմ, որ Ուկրաինայի պատերազմը սկսվել է Լեռնային Ղարաբաղի պատերազմով». Ալեն Սիմոնյան

«Ո՛չ Թուրքիայից, ո՛չ Ադրբեջանից, ժողովրդական լեզվով ասած, մենք ֆիզիկապես ավելի ուժեղ չենք, մենք չենք կարող դիմակայել, առավել ևս, երբ դաշնակիցը, որը մեզ պետք է պաշտպաներ, լավագույն դեպքում չի պաշտպանում»,- այսօր լրագրողների հետ ճեպազրույցի ժամանակ ասել է ԱԺ նախագահ Ալեն Սիմոնյանը՝ չբացառելով, որ դաշնակից Ռուսաստանը մեր թշնամիների հետ համատեղ գործընթացներ է իրականացնում․ «Ես համոզված եմ, որ համատեղ գործընթաց կա և շատ վաղուց։ Վստահ եմ, որ Ուկրաինայի պատերազմը սկսվել է Լեռնային Ղարաբաղի պատերազմով, պետք էր այստեղ այլընտրանքային ճանապարհ ստանալ՝ հնարավոր պատժամիջոցներից խուսափելու համար, ինչը հիմա արվում է։ Օրինակ ռուսական գազը հիմա Ադրբեջանը վաճառում է Եվրոպային իր խողովակներով, դա իմ հնարածը չէ, փաստ է»,- ասել է Ալեն Սիմոնյանը՝ մտահոգություն հայտնելով, որ Ադրբեջանի ձեռքով հարված է հասցվում ՀՀ ինքնիշխանությանը, հարց է, թե որտեղի՞ց է հարվածը լինելու։

9703 | 0
Facebook