«Կարեն Սիմոնյանը շատ արագ նշանակվեց «Գոյ» թատրոնի տնօրեն ու շատ արագ ստորագրեց լուծարման փաստաթուղթը: Ես ուզում եմ հասկանալ՝ էդ տղուն ի՞նչ էին խոստացել: Բա մեջիդ տղեն ո՞ւր ա, որձ չե՞ս, երեխեքիդ անունով երդվեցիր, որ չես ստորագրելու: Դու տղա ե՞ս, էդ ի՞նչ են քեզ առաջարկել»,- 24TV-ի եթերում հայտարարել է դերասան Լևոն Հարությունյանը՝ Սիմոնյանին անվանելով Հուդա:
Երեկ հայտնի դարձավ, որ Կառավարության որոշման համաձայն՝ Սունդուկյանի և «Գոյ» թատրոնի վերամիավորման ակտը սահմանված կարգով ստորագրվել է:
Նշենք, որ «Գոյ» թատրոնի տնօրենի պաշտոնակատար Սարգիս Չոլոյանն առանց նախապես զգուշացվելու ազատվել էր աշխատանքից և ժամանակավոր նոր պաշտոնակատար նշանակվել Կարեն Սիմոնյանը։ «Գոյ» թատրոնը վարչական դատարան էր դիմել՝ պահանջելով անվավեր ճանաչել Կառավարության որոշումը, որի համաձայն՝ թատրոնը պետք է լուծարվեր և միանար Սունդուկյանի անվան ակադեմիական թատրոնին:
Թատրոնի ընդհանուր ժողովը արձանագությամբ էր հանդես եկել, որտեղ ասվում էր՝ թատրոնն անվստահություն է հայտնում նորանշանակ տնօրեն Կարեն Սիմոնյանին:
Արմեն Մազմանյանի անվան բեմարվեստի ազգային փորձարարական «Գոյ» կենտրոն ՊՈԱԿ-ի ընդհանուր ժողովի արձանագրությունը