«Ժողովուրդ» օրաթերթը գրում է. «Գրել էինք, որ ՔՊ-ականները և առողջապահության նախարար Անահիտ Ավանեսյանը երեկ փակ քննարկում են ունեցել:
Տեղեկացանք, որ իշխանական պատգամավորները և նախարարը քննարկել են «Առողջապահության համապարփակ ապահովագրության մասին» օրենքի նախագիծը, որի վերաբերյալ առաջիկայում հանրային լսումներ կիրականացվեն, և այն կմտնի ԱԺ նիստերի օրակարգ:
Մեր տեղեկություններով՝ Ավանեսյանի ևՔՊ-ականների քննարկումը բավականին ջերմ ու գործնական մթնոլորտում է անցել: Անահիտ Ավանեսյանը ներկայացրել է իր գլխավորած նախարարության հեղինակած նախագիծը, այնուհետև պատասխանել է պատգամավորների հարցերին, որոնք հիմնականում դրական կարծիքներ են հնչեցրել նախագծի մասին:
Այսպիսով, կարող ենք արձանագրել, որ Անահիտ Ավանեսյանի կուսակցական ակտիվությունն իր արդյունքը տվել է»: