Միջազգային

Մեծ Բրիտանիայի կառավարությունը 2014 թվականին Իրաքում եզդիների դեմ «Իսլամական պետություն» (ԴԱԻՇ) ահաբեկչական կազմակերպության կողմից իրականացված զանգվածային սպանությունները և բռնության այլ ձևերը հայտարարել է որպես ցեղասպանություն, հայտնում է բրիտանական կառավարության կայքը։
     «Իսլամական պետությունը» լայնածավալ բռնություն է կիրառել շատ այլ դեպքերում (օրինակ՝ կազմակերպել է իրաքցի ռազմագերիների կոտորած), սակայն ԻՊ-ի մարտիկներն առանձնահատուկ դաժանությամբ են վերաբերվել եզդիներին, որոնց նրանք կռապաշտ էին համարում: Ամենից հաճախ սպանվել են տղամարդիկ և տղաներ. կանանց և աղջիկներին ստրկացրել և բռնաբարել են: Ամբողջ աշխարհում եզդի ակտիվիստները 2014 թվականից պայքարում են այդ գործողությունները որպես ցեղասպանություն ճանաչելու համար։

Հաղորդվում է, որ բրիտանական կառավարությունն սպասել է բարձրագույն իշխանության որոշմանը, որից հետո դատավճիռը վերջնական է դարձել։

«Միացյալ Թագավորության դիրքորոշումը միշտ եղել է այն, որ ցեղասպանության որոշումները պետք է կայացնեն իրավասու դատարանները, այլ ոչ թե կառավարությունները կամ ոչ դատական ​​մարմինները»,- պարզաբանել է Մերձավոր Արևելքի հարցերով փոխքարտուղարի լորդ Ահմադը:

Այս չափանիշի համաձայն՝ Մեծ Բրիտանիան ճանաչում է ընդամենը հինգ պատմական իրադարձություն՝ որպես ցեղասպանության ակտ՝ Հոլոքոստը, Ռուանդայի կոտորածը, Սրեբրենիցայում, Կարմիր քմերների քաղաքականությունը Կամբոջայում և այժմ՝ եզդիների ցեղասպանությունը»։