Միջազգային

Ուկրաինական լրատվամիջոցները նախօրեին հայտնել էին, որ ռուսական ուժերը հետ են քաշվել Խարկովի Կուպյանսկ և Իզյում քաղաքներից, իսկ ուկրաինական ուժերն արդեն Լիսիչանսկի և Կրասնի Լիմանի մերձակայքում են:

Վլադիմիր Զելենսկին էլ տեղեկացրել էր, որ Խարկովի շրջանի ավելի քան 30 բնակավայր անցել է Կիևի վերահսկողության տակ:

Հաջողությունները արևելքում, մասնավորապես, Իզյումի վերադարձը, Ուկրաինայի կարևորագույն ձեռքբերումներն են, բայց դեռ պարզ չէ, թե դրանք ռազմավարական ինչ նշանակություն կունենան, այս մասին գրում է New York Times-ը (NYT)՝ վկայակոչելով ԱՄՆ պաշտոնյաներին։

Եվրոպայում ԱՄՆ բանակի նախկին հրամանատար Բեն Հոջեսն ասել է, որ Ուկրաինայի ջանքերը՝ հարավում և արևելքում հողերը վերադարձնելու ուղղությամբ, կարող են առաջընթաց ունենալ ավելի արագ, քան նա կարծում էր, և նույնիսկ ճանապարհ հարթել հաջորդ տարի Ղրիմը վերադարձնելու փորձի համար: