Միջազգային

ԱՄՆ-ը լիովին չի հասկանում Ուկրաինայի հետ սահմանին ուժերի տեղաշարժի հետ կապված Ռուսաստանի մտադրությունները և Մոսկվային կոչ է արել հստակեցնել դրանք: Այս մասին երեքշաբթի լրագրողներին հայտնել Է Պենտագոնի մամուլի քարտուղար Ջոն Քիրբին։
     «Մտադրությունը լիովին պարզ չէ, և մենք կոչ ենք անում Ռուսաստանին ավելի հստակեցնել դրանք»,-ասել է նա:
     «Մենք տեսել ենք, որ նրանք ուժեղացնում են իրենց ռազմական ներկայությունը հարավ-արևելյան ուղղությամբ, այդ թվում՝ Ղրիմում»,-ասել է Քիրբին: «Մեզ համար դժվար է այս պահին խոսել նրանց մտադրությունների մասին։ Դա մտահոգիչ է, և մենք շարունակում ենք հետևել դրան»,-հավելել է նա։
     Պենտագոնի ներկայացուցիչը հրաժարվել է պատասխանել այն հարցին, թե արդյոք Վաշինգթոնը կարծում է, որ ռուսական զորքերն արդեն գտնվում են Ուկրաինայի արևելքում:
     «Ես փորձում եմ խուսափել այնտեղ կոնկրետ գործողությունների, հատկապես այլ երկրի զինվորականների գործողությունների մասին խոսակցություններից»,-ասել է նա: