Խնդրում ենք սպասել...
Այսօր`  չորեքշաբթի, 01 ապրիլի, 2020 թ.

Միջազգային

Թուրքիայի բնակչությունը հասել է 83 միլիոնի

19:05, երեքշաբթի, 04 փետրվարի, 2020 թ.
Թուրքիայի բնակչությունը հասել է 83 միլիոնի

Թուրքիայի վիճակագրական կազմակերպությունը (TÜİK) հրապարակել է 2019 թվականին Թուրքիայի բնակչության քանակի վերաբերյալ տվյալներ, որոնք մշակվել են ըստ բնակության հասցեների, գրում է Ermenihaber-ը։

Հրապարակված տվյալների համաձայն՝ Թուրքիայի բնակչությունը 2018 թվականի համեմատ աճել է 1 միլիոն 151 հազարով՝ հասնելով 83 միլիոն 154 հազար 997-ի։ Բնակչության 50.2%-ը կազմում են տղամարդիկ, իսկ 49.8%-ը՝ կանայք։
     Ավելացել է նաև Թուրքիայում բնակություն հաստատած օտարերկրացիների թիվը։ Ավելանալով 320 հազար 146 մարդով՝ այն կազմել է 1 միլիոն 531 հազար 180։

Բնակչության աճի տեմպը Թուրքիայում կազմել է 13.9%։

Ուշագրավ է այն հանգամանքը, որ Թուրքիայում գյուղական բնակավայրերը աստիճանաբար դատարկվում են։ Գյուղական բնակչության թիվը կրկին նվազել է։ Այն կազմում է ընդհանուր բնակչության 7.2%-ը։ 2018 թվականին այդ ցուցանիշը 7.7% էր։
     Թուրքիայի ամենափոքրաքանակ բնակչություն ունեցող նահանգը Թունջելին է (Դերսիմ)։ Ալևի դարձած կամ ծպտյալ հայերի, նաև զազաների կենտրոններից մեկը համարվող պատմական Դերսիմում ապրում է 84 հազար 843 մարդ։

| | |
2348 | 0
Facebook