Աբխազիայի Անվտանգության խորհրդի ղեկավար Մուհամմադ Կիլբան հայտարարել է, որ ցուցարարները ներխուժել են նախագահականի զինանոց և առգրավել որոշ զինատեսակներ, հայտնում է Sputnik.Абхазия-ն:
Ըստ գործակալության՝ ցուցարարները փակել են շենքի մուտքը, ներկա պահին ներսում կա 250-300 մարդ:
Բանակցություններ են ընթանում զենքը վերադարձնելու ուղղությամբ, սակայն մինչ այժմ վերադարձվել է ընդամենը հինգ միավոր զինատեսակ:
Հիշեցնենք՝ նախօրեին ցուցարարները ներխուժել էին Աբխազիայի նախագահ Ռաուլ Խաջիմբայի նստավայր և պահանջել նրա հրաժարականը: Տեղի էին ունեցել բախումներ Խաջիմբայի աջակիցների և ցուցարարների միջև: