Միջազգային

Ուկրաինայում տարիներ շարունակ ընտանեկան բռնության ենթարկված կինը նախ գլխատել է ամուսնուն, ապա կտրել է նրա սեռական օրգանն ու գցել շների առաջ:

Դեպքը տեղի է ունեցել Ռովենսկի շրջանի Օբարով գյուղում: 48-ամյա Մարիան խոստովանել է, որ ամուսնուն սպանել է՝ նրա դաժանություններին վերջ դնելու նպատակով: Դա միակ ելքն էր, կարծում է ա:

49-ամյա տղամարդը գիշերային հերթափոխից տուն է եկել ու քնել: Դա եղել է օգոստոսի 23-ի վաղ առավոտյան: Մարիան նախ նրան խեղդել է մերկ ձեռքերով, հետո կացնով գլխատել: Ապա խոհանոցային դանակով կտրել է նրա սեռական օրգանները ու տվել շներին: Ցանկացել է մաս-մաս անել մարմինը, բայց չի կարողացել:

Այնուհետև փողոց է դուրս եկել, որտեղ հանդիպած հարևանին խոստովանել է, որ ամուսնուն սպանել է: Հարևանները վկայել են, որ ամուսինը բազմիցս ծեծել է կնոջը, կացնով ընկել նրա ետևից: Կինը ևս խնդիրներ ունի հոգեկան առողջության հետ կապված: Բայց նախկինում նա երբեք ագրեսիա չի դրսևորել: Նրա երեխաները՝ դուստրն ու որդին, անգամ տեղյակ չեն եղել, թե ինչ է կատարվում իրենց ծնողների տանը: Որդին հայտարարել է, որ չի ուզում տեսնել մորը տեղի ունեցածից հետո:

Առաջիկայում Մարիային կքննեն հոգեբույժները: Եթե պարզվի, որ նա եղել է մեղսունակ, ապա նրան սպառնում է մինչև 15 տարվա կամ ցմահ ազատազրկում: