Այսօր Կահիրեի կենտրոնում` Քաղցկեղի ազգային ինստիտուտի մերձակայքում, պայթյուն է որոտացել։ Միջադեպի հետևանքով զոհվել է 19 մարդ, ևս 30-ը տուժել են։ Եգիպտոսի ԱՆ նախնական վարկածով` պայթյունի պատճառ է դարձել Մանյալ շրջանում ավտոմայրուղու վրա տեղի ունեցած վթարը։ Ավտոմեքենան մեծ արագությամբ դուրս էր եկել հանդիպակաց գոտի, բախվել այլ մեքենաների, արդյունքում հզոր պայթյուն էր որոտացել։ Պատճառներից մեկը կարող է լինել մեքենաներից մեկում առկա թթվածնի բալոնը։
ՃՏՊ–ից մի քանի տասնյակ մետրի վրա գտվող Քաղցկեղի ազգային ինստիտուտի շենքի ճակատային հատվածը վնասվել է։
Պայթյունից հետո հրդեհ էր բռնկել, որն արդեն մարվել է։