ԱՄՆ-ի գլխավորած միջազգային կոալիցիան հերթական ավիահարվածն է հասցրել Սիրիայի Դեր Զոր նահանգի Հաջին քաղաքի ուղղությամբ:
РИА Новости-ն՝ մեջբերելով Սիրիայի պետական հեռուստատեսության տվյալները, հայտնում է, որ ավիահարվածի թիրախ է դարձել շուկան, ինչի հետևանքով 20 խաղաղ բնակիչ է մահացել, նրանց թվում՝ 9 երեխա, ինչպես նաև 8 կին՝ մեկ ընտանիքից:
Կոալիցիան պարբերաբար ավիահարվածներ է հասցնում Հաջինի և Դեր Զորի մյուս մոտակա գյուղերի ուղղությամբ՝ իբրև աջակցելով «Սիրիայի ժողովրդավարական ուժեր»-ին՝ ԴԱԻՇ ահաբեկչական խմբավորման դեմ պայքարում:
Սիրիական լրատվամիջոցները բազմիցս հաղորդել են խաղաղ բնակիչների շրջանում գրանցված զոհերի մասին: