Իրադարձություններ

Աժ «Ելք» խմբակցության ղեկավար Լենա Նազարյանը ֆեյսբուքյան իր էջում գրել է. «Արտագնա աշխատանքի մեկնած քաղաքացիների եկամուտների հարկման թեմայի հետ կապված հստակ միայն երկու բան է հայտնի.
     Դեռևս 2015 թվականին Ազգային Ժողովը «Եկամտային հարկի մասին» օրենքում ընդունեց լրացում, որով 13 տոկոս եկամտային հարկ սահմանեց այն վարձու աշխատողների համար, որոնք իրենց գործատուների հետ կնքած պայմանագրով աշխատում են ՀՀ սահմաններից դուրս և իրականացնում են շինաշխատանքներ: Այս լրացմանը, ի դեպ, կողմ է քվեարկել նաև տիկին Աիփինե Հովհաննիսյանը, ով հիմա անթույլատրելի է համարում խոցելի խավի հարկումը:
     Եվ երկրորդը, ՀՀ պետական եկամուտների կոմիտեն չունի, չի ներկայացրել և դեռևս չի էլ պլանավորում որևէ նախագիծ, որը կանդրադառնա արտագնա աշխատանքի մեկնած ֆիզիկական անձանց եկամուտների հարկման մեխանիզմներին»: