Ճապոնիայի արևմուտքում «Ջոնդանի» թայֆունը հասել է այն շրջաններին, որոնք վերջերս էին տուժել սողանքներից ու հեղեղումներից: Առվազն 16 մարդ ստացել է տարբեր աստիճանի վնասվածքներ, հազարավոր մարդիկ տեղափոխվել են ապաստարաններ, տասնյակ հազարավոր տներ մնացել են առանց էլեկտրականության, գրում են ճապոնական ԶԼՄ-ները:
Ըստ աղբյուրներից մեկի՝ վիրավորումները եղել են կամ փողոցում՝ քամու պատճառով, կամ էլ շինությունների ներսում՝ ապակիների կոտրման հետևանքով:
Կիոտոյում ուժգին քամու պատճառով հրդեհը տարածվել է 12 շինություններում, որոնցից մեկում հայտնաբերվել է 85-ամյա կնոջ դի:
Հետաձգվել է 160 ներքին չվերթ:
Ըստ օդերևութաբանական տվյալների՝ թայֆունի պատուհասման տարածքում թափվում են ժամում 120 մմ տեղումներ:
Տեղի իշխանություներն զգուշացնում են նոր սողանքների վտանգի մասին:
Հիշեցնենք, որ ավել վաղ Ճապոնիայում սողանքների զոհ էր դարձել 219 մարդ, ևս 11-ը համարվում է անհետ կորած: