Արտաքսված ռուս դիվանագետներն ու նրանց ընտանիքները լքել են Լոնդոնը, հաղորդում է РИА Новости-ն:
Տասնյակից ավելի մեքենաներ և միկրոավտոբուսներ են ուղևորվել օդանավակայան: Նրանց ուղեկցել են դեսպանատան աշխատակիցները:
Լոնդոնից, ընդհանուր առմամբ, 23 ռուս դիվանագետ է արտաքսվել: Ներառյալ ընտանիքի անդամները՝ Միացյալ Թագավորությունը լքել է մոտ 80 մարդ, նրանց շարքում՝ մեծ թվով երեխաներ:
Գործակալությունը նշում է, որ որոշ դիվանագետներ ընտանի կենդանիների են իրենց հետ տարել: