Բեռլինում տեղի ունեցավ շախմատի աշխարհի չեմպիոնի կոչման հավակնորդների մրցաշարի բացման հանդիսավոր արարողությունը, որին որպես պատվավոր հյուր մասնակցել է Հայաստանի Հանրապետության նախագահ, Հայաստանի շախմատի ֆեդերացիայի նախագահ Սերժ Սարգսյանը: Որպես մրցաշարի պատվավոր հյուր` նա մարտի 10-ին կկատարի խաղի խորհրդանշական առաջին քայլը: Հիշեցնենք, որ մրցաշարին կմասնակցի աշխարհի ութ ուժեղագույն շախմատիստ՝ այդ թվում նաև Լևոն Արոնյանը։ Մրցաշարի հաղթողն իրավունք կստանա մրցամարտ անցկացնել աշխարհի չեմպիոն Մագնուս Կառլսենի հետ՝ աշխարհի թագի համար։