Իսրայելական օդանավն արտակարգ վայրէջք է կատարել Նյու Յորքից Թել Ավիվ ճանապարհին․ РИА Новости-ի փոխանցմամբ, հաղորդում է Իսրայելի երկրորդ հեռուստաալիքը:
Boeing-747-ի անձնակազմն ստիպված է եղել ընդհատել չվերթն իր թռիչքից ավելի քան երկու ժամ հետո` շասիներում բռնկված հրդեհային ազդանշանից հետո:
Օդանավակայանը, որտեղ օդանավը վայրէջք է կատարել, Կանադայի «Գազի Բեյ» բազան էր, որտեղ բոլոր ուղևորներին տեղավորելու համար անհրաժեշտ ենթակառուցվածքներ չեն եղել:
Ինքնաթիռը փորձել է ինքնուրույն վերանորոգել անսարքությունը, սակայն երբ դա չի հաջողվել, բազա է ուղարկվել պահուստային ինքնաթիռ, որը պետք է ուղևորներին հասցներ Թել Ավիվ:
Հարյուրավոր մարդիկ 12 ժամ անցկացրել են ինքնաթիռում` սպասելով երկրորդ օդանավին:
Նրանց արգելվել է դուրս գալ թռիչքուղի` -30 աստիճան սառնամանքի պատճառով: