Ռուսաստանի և Թուրքիայի նախագահներ Վլադիմիր Պուտինն ու Ռեջեփ Էրդողանը հեռախոսազրույցի ընթացքում դրական գնահատական են տվել Աստանայի գործընթացի շրջանակներում համատեղ աշխատանքին: Այս մասին հաղորդում է Կրեմլի մամուլի ծառայությունը:
Տեղեկությունների համաձայն՝ հեռախոսազրույցի ընթացքում կողմերը քննարկել են Սիրիայում ծայրահեղական խմբավորումների դեմ պայքարում համագործակցությունը:
Հաղորդվում է նաև, որ երկու պետությունների ղեկավարները հաստատել են Սիրիայում հակամարտության կարգավորման հարցում հետագա ակտիվ համագործակցության պատրաստակամությունը:
Կրեմլի մամուլի ծառայության հաղորդագրության մեջ նշվում է նաև, որ զրույցն ընդհանուր առմամբ կառուցողական բնույթ է կրել: