Հարավային Կորեայի և ԱՄՆ-ի հետախուզական ծառայությունները նախանշաններ են հայտնաբերել, ըստ որոնց՝ Փհենյանը պատրաստվում է բալիստիկ հրթիռի նոր փորձարկում իրականացնել:
Հաղորդվում է, որ ամերիկական արբանյակները հյուսիսկորեական 4 շրջաններում կայանների շարժում են ֆիքսել:
Ինչպես հայտնում են հարավկորեական ԶԼՄ-ները, Փհենյանը կարող է մի քանի տեսակի սպառազինությունների, այդ թվում՝ «Հվասոն-12» միջին հեռավորության բալիստիկ հրթիռի փորձարկմանը նախապատրաստվել, որն ավելի վաղ Հյուսիսային Կորեան արձակել էր Խաղաղ օվկիանոսի ուղղությամբ: