Միջազգային

Եգիպտացի հնագետները մեկ կնոջ և երկու տղամարդու մումիաներ են հայտնաբերել Լուքսոր քաղաքի մոտկայքում գտնվող Ք. ա. XVI-XI դդ. պատկանող դամբարանում, փոխանցում է BBC-ն: Հնագետների խոսքով՝ մայրը մահացել է մոտ 50 տարեկանում, տառապել է ոսկորների հիվանդությունից: Նրա որդիները եղել են մոտ 20 և 30 տարեկան: Նրանց մարմինները լավ վիճակում են պահպանվել: Եգիպտոսի հնությունների նախարար Հալեդ ալ-Անանին հայտնել է, որ դամբարանի պատերի վրա հաջողվել է 4 նոր անուն կարդալ, որոնց մարմինները դեռևս չեն հայտնաբերվել: Նրա խոսքով՝ աշխատանքները դեռևս չեն ավարտվել: