Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, թե Արևմուտքը ճնշում է գործադրում Ռուսաստանի դաշնակիցների, մասնավորապես, Ադրբեջանի վրա: Այդպիսով Զախարովան մեկնաբանել է «Ռոսօբորոնէքսպորտ»-ի կողմից Ադրբեջանին գաղտնի վճարումներ կատարելու մասին՝
Guardian և արևմտյան այլ լրատվամիջոցներում հրապարակված բացահայտումները: «Տեղի ունեցածը ցույց է տալիս, որ Արևմուտքը ճնշում է գործադրում Ռուսաստանի դաշնակիցների վրա: Կարծում եմ՝ խոսքը մի քանի ուղղություններով տեղեկատվական ուժեղ ճնշման մասին է: Դա իրականացվում է մեծ քանակությամբ կեղծ նորությունների հրապարակման միջոցով: Մենք փորձում ենք մշտապես արձագանքել դրանց»,- ասել է նա: