Հնդկաստանի հյուսիս արևելքում տեղատարափ անձրևների հետևանքով առաջացած ջրհեղեղների ու սողանքների պատճառով առնվազն 83 մարդ է զոհվել։ Ինչպես հաղորդում է Reuters լրատվական գործակալությունը, առավել շատ տուժել են Ասամ, Արունչալ Պրադեշ, Նագալենդ և Մանիպուր նահանգները։
Միայն Ասամում, ըստ գլխավոր նախարարի տրամադրած տվյալների, զոհվել է 53 մարդ։ Տարհանվել է շուրջ 2 միլիոն մարդ։
Բրահմապուտրա գետը դուրս է եկել ափերից և ջրասույզ արել Ասմայի Կազիրանգհա արգելոցը։ Կազիրանգա արգելոցը ներառված է ՅՈՒՆԵՍԿՕ-ի համաշպարհային ժառանգության ցանկում։ Այստեղ ապրում է շուրջ 2․5 հազար ռնգեղջյուր, այն դեպքում, երբ աշխարհում ընդամենը 3 հազար ռնգեղջյուր է մնացել։ Արգելոցի ռնգեղջյուրներից առնվազն 3-ը ջրհեղեղի հետևանքով սատկել է։