Մանկական հոգեբանները պնդում են, որ ծնողների կողմից սեփական երեխային գովելը կարևոր դեր է խաղում նրա անձի և բնույթի զարգացման ու ձևավորման հարցում: Սակայն, նրանք ընդգծում են, որ գովասանքը պետք է լինի չափավոր և տեղին:
Գովեստը սիրո և ուշադրության ուղղակի դրսևորում է, այդ իսկ պատճառով շատ ծնողներ, հատկապես երիտասարդ, հակված են «երես տալ» իրենց երեխաներին: Սակայն փորձագետները խորհուրդ են տալիս նրանց` շեշտելով, որ ծնողի գովասանքը երեխայի համար պետք է լինի նվեր և ոչ թե շնորհ: «Չպետք է շատ գովերգել սեփական երեխային. խրախուսելը երեխային պետք է լինի միայն իր ջանքերի կամ ինչ-որ լավ բան անելու փորձերի համար: Այսպիսով, երեխան կստանա հսկայական լիցք, ինչը կստիպի նրան փորձել էլ ավելի շատ ջանքեր գործադրել այդ ուղղությամբ »,- նշում են հոգեբանները: