ՕՊԵԿ համաձայնագրի ֆոնին նավթի շուկան կկարգավորվի 2018-ի առաջին քառորդում: Այդպիսի դիրքորոշում ունի ՌԴ Էներգետիկայի նախարար Ալեքսանդր Նովակը:
«Ինչ վերաբերում է հավասարակշռմանն, ապա դա 5 տարվա միջին հաշվեկշռին վերադառնալն է: Պաշարներն աստիճանաբար նվազում են, մենք տեսնում ենք այդ միտումը, համաձայնագիրն աշխատում է: Հաշվի առնելով ներկայիս իրավիճակը` կարծում ենք` դա (նավթի շուկայի հավասարակշռումը) տեղի կունենա գալիք տարվա առաջին քառորդում, երբ ձմեռային մինիմումներից հետո պահանջարկը դարձյալ կվերականգնվի»,- ասել է Նովակը: