Չեռնոգորիան պաշտոնապես դարձել է Հյուսիսատլանտյան դաշինքի 29-րդ անդամը: Պաշտոնական արարողության ընթացքում Չեռնոգորիայի վարչապետ Դուշկո Մարկովիչն ԱՄՆ-ի պետքարտուղարի տեղակալ Թոմաս Շենոնին է հանձնել Չեռնոգորիայի՝ Հյուսիսատլանտյան դաշինքին միանալու վերաբերյալ արձանագրությունը:
ՆԱՏՕ-ի գլխավոր քարտուղար Յենս Սթոլթենբերգը միջոցառման ժամանակ նշել է, որ Չեռնոգորիայի ընդունումը կազմակերպության կազմի մեջ «կարևոր է Բալկաններում կայունության և միջազգային անվտանգության համար»: Նրա խոսքով՝ Պոդգորիցան ընտրել է իր ապագան, «ազատության և խաղաղության իր ճանապարհը»:
ԱՄՆ Պետդեպարտամենտի կայքում ասվում է, որ հունիսի յոթին Չեռնոգորիայի դրոշը կբարձրացվի կազմակերպության գրասենյակի վերևում: