WikiLeaks-ը հերթական փաստաթղթերն է հրապարակել ԱՄՆ Կենտրոնական հետախուզական վարչության (ԿՀՎ) լրտեսական նախագծի մասին, որը կոչվում է Athena:
Նշվում է, որ Athena-ն` Windows XP-ից մինչև Windows 10 համակարգով աշխատող համակարգիչներին վնասակար ծրագրեր ներբեռնելու և դրանցից ֆայլեր փոխանցելու հնարավորություն է տալիս:
Ըստ WikiLeaks-ի՝ Athena-ն մշակվել է ԿՀՎ-ի ու Siege Technologies ընկերության կողմից, հայտնում է RNS-ը:
Տեղեկացնենք, որ Ջուլիան Ասանժն այսօր հայտարարել է, որ Wikilieaks-ը շարունակելու է իր գործունեությունը:
Հիշեցնենք՝ Շվեդիայի դատախազությունը դադարեցրել է WikiLeaks-ի հիմնադիր Ջուլիան Ասանժի դեմ բռնաբարության գործի հետաքննությունը: Չեղարկվել է նաև նրա ձերբակալության հրամանը: