Դեկտեմբերի 10-ին, Սոս Սարգսյանի անվան Համազգային թատրոնում, Հայաստանաի հանրային ոլորտը ներկայացնող տարբեր հայտնի անհատներ կբարձրաձայնեն կանանց իրավունքների մասին՝ «Յոթ» նախագծի շրջանակներում։
«Յոթ»-ը նորարարական վավերագրական ներկայացում է՝ հիմնված յոթ կանանց իրավունքների համար պայքարող ակտիվիստների հետ անցկացրած հարցազրույցների վրա, որոնց դժվարություններով լի կյանքի և պայքարի պատմությունները ոգեշնչման աղբյուր են։
Բեմադրությունը իրականացվում է Հայաստանում հասարակության տարբեր ոլորտները ներկայացնող հայտնի մարդկանց մասնակցությամբ։ Ներկայացումը մասն է «Ընդդեմ կանանց նկատմամբ բռնության կոալիցիայի» և Հայաստանում Շվեդիայի դեսպանատան ակտիվ և արդյունավետ համագործակցության։
Ներկայացումը զուգորդվելու է տարբեր ակտիվություններով, որոնք բարձրացնելու են զգոնությունը գենդերային հիմքով պայքարի և կանանց իրավունքներին վերաբերող խնդիրների բարձրաձայնման ուղղությամբ։