Խնդրում ենք սպասել...
Այսօր`  շաբաթ, 10 դեկտեմբերի, 2016 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
8.50%
,
Եվրոպական Եվրո
7.00%
,
Ռուսական ռուբլի
9.50%
Media Monitoring

Միջազգային

Ճապոնիան բողոքի նոտա է հղել Ռուսաստանին Կուրիլներում հրթիռային համալիրներ տեղակայելու համար

12:10, ուրբաթ, 25 նոյեմբերի, 2016 թ.
Ճապոնիան բողոքի նոտա է հղել Ռուսաստանին Կուրիլներում հրթիռային համալիրներ տեղակայելու համար

Ճապոնիայի արտգործնախարար Ֆումիո Կիսադան հայտարարել է, որ իրենք բողոքի նոտա են հղում Ռուսաստանին` Կուրիլներում հրթիռային համալիրներ տեղակայելու կապակցությամբ:
     Նշենք, որ օրեր առաջ ՌԴ ԶՈւ Խաղաղօվկիանոսյան նավատորմի պաշտոնաթերթը հայտարարել է Կուրիլյան կզղիներում «Բալ» և «Բասթիոն» հրթիռային համալիների տեղակայման մասին: Դրան հաջորդել է պաշտոնական Տոկիոյի հայտարարությունն այն մասին, որ Ճապոնիան համապատասխան արձագանքը կտա Ռուսաստանի գործողություններին:
     «Հուսով ենք, դուք հասկանում եք, որ մենք բողոքի նոտա ենք հղում»,- Ճապոնիայի արտգործնախարարի խոսքերն է մեջբերում Kyodo-ն:
     Ավելի վաղ Ռուսաստանի գործողությունների վերաբերյալ իր ափսոսանքն էր հայտնել Ճապոնիայի վարչապետ Սինձո Աբեն:
     ՌԴ Արտգործնախարարությունն իր հերթին հայտարարել է, թե Կուրիլներում հրթիռային համալիրների տեղակայումը պլանային բնույթ է կրում և նախատեսված է երկրի պաշտպանության ամրապնդման համար:
     Նշենք, որ «Բասթիոն» հրթիռային համալիրները նախատեսված են 600 կմ տարածքի վրա ծովային սահմանների պաշտպանության համար և ունակ են խոցել տարբեր տիպի և դասի նավեր: «Բալ» հրթիռային համալիրների կազմի մեջ են մտնում հականավային Х-35 հրթիռները, որոնց խոցման հեռավորությունը հասնում է 120 կիլոմետրի:

1054 | 0
|
Հավանե՛ք և բաժանորդագրվե՛ք
Facebook
ВКонтакте
ՄԱՄՈՒԼ.am