Պակիստանի առևտրի և ռազմարդյունաբերության նախարարները հայտարարել են առաջիկա 5 տարվա ընթացքում Ադրբեջանի հետ առևտրաշրջանառության, այդ թվում՝ ռազմական նշանակության տեխնիկայի մատակարարման ծավալները 500 մլն ԱՄՆ դոլարի հասցնելու ծրագրի մասին, հաղորդում է Ռազմ.info-ն:
Մասնավորապես` Պակիստանի առևտրի նախարար Խուրամ Դաստգիրը հայտնել է, որ ադրբեջանական կողմի հետ քննարկումների համար այս ամիս կմեկնի Ադրբեջան:
Պակիստանի ռազմարդյունաբերության նախարար Ռանա Թանվիր Հուսեյնը հայտարարել է, որ Ադրբեջանը մասնավորապես հետաքրքրված է Պակիստանից պաշտպանական նշանակության զինտեխնիկա, տեխնոլոգիաների ներկրման հարցում:
Հավելենք, որ ադրբեջանական լրատվամիջոցները, տարածելով պակիստանյան աղբյուրներում հայտնված տեղեկությունը, նշում են, որ 500 մլն դոլար կազմելու է միայն Պակիստանից Ադրբեջան արտահանվելիք ռազմական նշանակության արտադրանքների արժեքը: