Ինտերպոլը հետախուզում է սկսել ռուս ընդդիմադիր գործիչ Բորիս Նեմցովի սպանության ենթադրյալ պատվիրատու և կազմակերպիչ Ռուսլան Մուխուդինովի նկատմամբ: Համաձայն Ինտերպոլի պաշտոնական կայքում զետեղված հայտարարության` Մուխուդինովը մեղադրվում է սպանության և զենքի ապօրինի կրման համար:
Հիշեցնենք, որ Բորիս Նեմցովն սպանվել է 2015թ. փետրվարի 27-ին, Մոսկվայի Մեծ Մոսկվորեցկի կամուրջի վրա: ՌԴ Քննչական կոմիտեի կարծիքով` նրա սպանության պատվիրատուն և կազմակերպիչը Ռուսլան Մուխուդինովն է, ով նախկինում ծառայել է Չեչնիայի Ներքին գործերի նախարարության «Սևեր» գումարտակում: Մինչ այս նրա նկատմամբ դաշնային հետախուզում է հայտարարված եղել: